فَرَس غَيمي

إيلي جبر | لبنان

خَيْلي ال طلِعْ باللَّيل

خْيالْها لْمِّي

لما الفرس نَدَه

خْيالِك عطر سِحِر شِمّو

انسحر ع تِمّي

لما فَرَسْ غَيْمي بْتلوح

وقَمَر خيّال بِتْهِمّي

بيادِرْ قَدَرْنا شْبال

وحدود بالهِمِهْ

وسياج ما بينطال

مسيّج من كِمي

شَعرِك عرين سْباع

وطهرك أفَلْ من شمس

حَدّ الغيمْ

نايم ع كتاف بيض

عِتقو من دموع  السهر

وفَلّي …

صوتِك مَجِدْ بالبال

عطرِك سرح   قلبو فرح

ومتحلّي

فرس خَيلي بالليل

لِشْموع بتضوّي

ويْبْقى صهيل العِزّ

يِمرُق ع هاك التلِّه

ويرفع ايدين ع زنود

حد الغيم موجود

ويركع تَ يصلّي..