الحب شيء نسبي

هبة الله يوسف سند | مصر

حب الوطن فى حياتي شئ نسبي ..

مش هاحكى عن حضاره

ولا تاريخ وأوصف سبب حبي ..

///

مش هوصف في نيلها وترابها وسماها

دول عشقي ..

ولا هاقدر أحكي فى حبها مش كلمتي هتكفي ..

معنى الوطن في حياتي ورؤيتي ده غير..

///

حب الوطن ليه معنى عندي مرتبط بالطير..

 مرتبط بجناح يرفرف في السما من غير ،

لا خوف ولا حزن مش ربطتي بجنزير..

///

الوطن عندي في عيون حبايبي كبير ..

معنى الوطن عندي بيت وأمان وحنان..

عيشه كريمه هنية وسط ناسي بإحترام ..

عمر الوطن عندى مكان مرتبط بالخوف..

///

نظرة عيون ولادي وأمي بتقويني عالظروف..

معنى الأمان عندي بشوفوا في عيونهم..

معنى الوطن عندى حسيته فى أحضانهم ..

///

معنى الوطن عندى هو الأمان والبيت ..

هو العيشه الكريمه لو حتى أكون فى الغيط..

المهم أكون بين كل أحبابي ..

وأحميهم بروحي وده حلم سهل بسيط ..

///

حب الوطن عندي مش في شوارع وبيوت ..

مش في الحضاره والتاريخ ولا بالحروب والموت..

حب الوطن مش جامع ولا كنيسه ودير ..

///

رب العباد أبدع في خلقه في كل مكان وده خير ..

حب الوطن عندي مش سما ولا نيل ولا رمل..

حب الوطن عندي في عيون حبايب العمر..

أمي وأولادي وبابا { رحمة الله عليه}

دول الوطن عندي ودول الأمان والبيت