خلي الطيبه لقلبك كِسوه
نهال محسن | مصر
إوعا القلب عليك يتغير
عمره طويل كان ولا قصير
خلي القلب فيه الطيبه
لو كل الدنيا شافتها غريبه
و يفضل يحِن عالغلبان
و يقدَّر كلمة ( إنسان )
و يوزع عالعالم ورد
ويساعد كل الخلق ،، لحد
روحه ماتروح ل اللي خلقها
إحيي ف روحك .. ما تقتلها
دي حياتها في انك تعطي الناس
متعيشش لنفسك كده وخلاص
صدقني كتير هيفوتك
اوعا تروح الطيبه من قلبك
خليك شمعه تنور ليهم
ولو بدون مقابل ، إديهم
إوعا تبطل يوم الحب
خليك دلو كريم بيصب
إوعا توقف جود و عطا
خليك دفا مالبرد و غطا
و أمان ل اللي يلجأ لك
و وطن ل اللي سكن قلبك
ولا تتعلم يوم القسوه
خلي الطيبه لقلبك كِسوه
إوعا ف يوم قلبك يتغير
عمره طويل كان ولا قصير
قصيده رائعه