كل واحد ليه حكاية
آلاء فضل عبد المنعم | مصر
اللوحة للفنان الفلسطيني سليمان منصور
كل إنسان في الحياة
كل شخص في الوجود
كل واحد ليه حكايه
حلوه أو مرة تكون
كل واحد و ف حكايته
فرْح أوهم ومآسي
والسنين على جرحه داست
و فِ طريقه بيمشي عادي
في اللي ساكن قلبه هم
واللي في الأحزان غريق
واللي فوق أكتافه حمل
واللي تعبان في المسير
واللي من طول الليالي
كان نصيبه يعيش وحيد
واللي بات يحلم ويبني
في الهدف حتى الوصول
واللي عن أحلامه قالوا
مستحيل إنك تكون
واللي قطعوا حبال آماله
يأسه انكتب بين السطور
واللي ليله مهما طال
صبره كان عدى الحدود
واللي عنده آمال في بكرا
إن نور الفجر يظهر
واللي واثق إن ربه
عنده حكمه في كل شئ
بكرا هينور له دربه
ويجازيه عن صبره خير
