أنا لسا عايش رغم إنهم قتلونى
محمد سيد ساعي | مصر
أنا لسا عايش رغم إنهم قتلونى
وأنا ميت حى جيين يعزونى
لسه زمانى جى أيام وشوفونى
يازهره قومى وسلمى على عمى
أخوا كل جبان أكل من دمى
طفي شمع الميدان نور ربيع حلمى
يازهره هاتى الشاى ليه سيبانى أحكى
غلبان وغلبى هوا أشوف نصيبى أبكى
.لملم أيامك يازمان لسا غنايا ما خلص
أنده أموت إزاى وانا عريس بفرح
وأنده يقول جاى أشوفوا أنا أرمح
كأنك لساك عارف إن هانك المطرح
صرخت فزع رايح فخليك شجر يطرح
جريد ولم البلح غيه ياسيد شطح
رد وقال: صحبى حلم وحلموا مش هيدبح
عارف كمان يمكن صوتك يتنبح
