الخطاب النسوي ونظرة المجتمع
د. آمال ابراهيم حمد | القاهرة
استشاري علاقات أسرية
لابد من تغيير الخطاب النسوي الذي يقوم بالنفخ في بالونة فيفجر لنا مشكلات طلاق واكئتاب وإدمان مراهقين، وعنف وتسريب من التعليم تكلف الدولة مبالغ طائلة.
كفانا تشيجع علي الانفصال وتفضيل الحياة الفردية عن حياة الأسرة وان الاهم مكانتك.. ليس من الضروري أن نقول للطبيبات كوني سوبر مان في كل مكان بيت وشغل وعلاقتك بأهلك واصدقاءك الحياة اصلا مش كدة الحياة اختيارات وكل واحد بيختار اللي مرتاح فيه ولما تظهر دكتوره تقول انها فضلت بيتها في بداية مشوارها فهي عبرت ان البيت اهم واقرب ليها من وجهة نظرها الشخصية.. لازم نغير الخطاب الأولى إن الخطاب النسوي عموما ما يصدرش للنساء إنهم لازم يبقوا سوبر ماما وماكينه ألمانية ومهجنة جينيا مش بتتعب ولا تعاني نفسيا ولا حتى بتحتاج تصليح.
ثانيا إن الخطاب النسوي العالمي في كل بلاد الحريات يكون مع حرية اختيار المرأة وفرديتها ويدعم أي خيار فيه صالح لها بأي شكل هي تختاره ،،الأولى ان الخطاب النسوي يعرف و يقر باختلاف شرائح المجتمع في ربة المنزل في المتعلمة بدون عمل وفي المتعلمة وفي المتزوجة و زوجها عائلها وهي متفرغة لعملها بحب وراحة وشغف وفي اللي بتعول بيتها بنفسها ومفيش معيل وعندها اطفال او غير متزوجة وعندها احد الوالدين مريض ومحتاج رعايتها وهكذا من أشكال حيوات وظروف النساء عموما و كل واحدة عندها أولويات غير التانية..فليه اخلي الخطاب دائم ابدا كوني سترونج اندبندت وومان وبس من غير ما اديها حق اختيار وادعم اختيارها..مش كل الناس هتختار بيتها ومش كل الناس هتقدر تختار شغلها واللي اغلب الاماكن لاتوفر الحد الأدنى “وجود حضانه للاطفال” في نفس مكان العمل عايز تدعم الطبيات والموظفات ليس بالشعارات والصور ادعم علي أرض الواقع وفرها الحياة اللي تقدر توفق بين البيت والعمل حقوق المعيشة الآمنة .. نوسع مداركنا بقى شوية ونعدل خطابنا عشان ينتشر بجد بدل ما خطابنا نفسه هو سبب نكبتنا والهجوم علينا وسحقنا بأسماء و أسباب كتير.. اخلى كل النساء والرجال يعرفوا معنى النسوية الصح واني بدعم المرأة فين ما كانت و إيان ما اختارت وبوفرلها سبل راحة وأمان وبساعدها تنجح ويكون ليها مكان وصوت و إحترام.. وفي الاخر نفسي كل من تحدث يسأل نفسة المرأة العادية هتكون سعيدة لو وصلت اعلي المناصب واولادها فاشلين أو مدمنين أو معاهم مشكلة …الأمومة اهم سعادة الإنسان الطبيعي ترتبط بالفطرة .اتمني نفهم قبل مالمشاكل تتكاثر علينا.
