شاعر.. بالمحكية السورية

ريتا سليمان | سورية

فردْتي ضفايرْ دهبْ ويلوحْ هالشلّال
حكايات حُبْ وشغف ع قطعة رخامةْ

===
ويجنّ فيّ الهوى ومافي حكي ينقالْ
عتّق نبيد الصبر و صلّيلك تنامي

===
تغفي بوهدة غنج مايلمحك رجّال
ويصير ضلعي جِنحْ والخافق حرامي

===
اسرقْ ورود الصِّبا و طرّز عشق عالشال
وافطر بخصرك جنى وضمّد قلب دامي

===
ما نال منّي حدا بس رمشِك اللي نال
بخشى نسيم الهوا لو صرتي قدّامي

===
شاعرْ ياحلوة أنا بصحا مع الموال
وبسكر بغمزة شقا وعيت بإلهامي

===
لا في ضفاير شقر ولا حَدْ سمعْ شو انقال
كل هالقصيدة كذب من بنت أوهامي