بالمصري: انتي بنت جدععة

حنان سمير | سيدة أعمال مصرية

في نظري إن كلمة “إنتي جدعة” أحسن بكتير من كلمة”إنتي حلوة”..
بنات كتير بتكتفي بإن شكلها حلو و بتوجه كل تركيزها لشكلها و كإن هو دا الإنجاز اللي حققته في حياتها في حين إن الشكل دا ربنا اللي خلقه و هي ملهاش اي دخل فيه, انما اللي ليها تحكم فيه هو شخصيتها.
المدح اللي من نوع “تفكيرك حلو، إسلوبك كويس في المناقشة، شخصيتك قوية، إنتي جدعة، مخك كبير، ناجحة، أنا معتمد عليكي، أنا واثق فيكي”؛ كل ده كلام في قمة الجمال البنات اللي مركزه في شكلها بس مجربتوش، إنك تكوني محل تقدير من الناس بسبب شخصيتك و إسلوبك و احترامك أهم بكتير قوي من إنك تكوني حلوة بس من جواكي فاضية!
شكلك بإيد ربنا و شخصيتك و احترامك من الناس بإيدك إنتي، شكلك هيزول مع الوقت انما الأثر اللي ممكن تسيبيه في حياة الناس و تقديرهم ليكي عمره ما هيزول.