صاحب وشين
الطفلة آلاء فضل عبد المنعم خير الله – مصر
اللوحة للفنانة الأردنية: هاجر الطيار
لمين أنا هشكي
ولمين أنا هحكي
وادمع وأبكي
ولمين أنا اروح
وأرجع وابوح
بالسر اللي جوايا
ولمين أنا افضفض
وأخرج كل اللي في بالي
ومين هيسندني ..وقت ضعفي وهواني
تركوني وحيد ..وسط الثابتين مهزوز
تركوني في ضعفي
تركوني في الشده وحيد
وانا هشكي لمين؟
ضعفي خلاني ما اروحش لحد
علمني أن في وقت الشده
ما احتاجش لحد
عرفني ان الكل بايع
صاحب مصلحته.. ومش بيشوف
غير نفسه اولى بالمعروف
عرفني أن الإنسان صاحب وشين
أحيان كتير بيجي في وقت الشده ..
يمشي بعيد
وفي وقت مصلحته تلاقيه على طول
ولما احتاجه واندهله يسيبني ..يقول
ان كان في غيري نفعك يبقى مشكور
أنا مالي بيك نفعتني بإيه ؟
الكل رايح والدنيا جايه عليه
وانا هبكي على ايه؟
هبكي على اللي راح
ولا ابكي عالآتي ؟
الكل زايف لما كانوا في حياتي
وبعد ما سابوني عرفت
اني ماليش غير رب ساند
عمره ما يسيبنيش
حتى وان كل الدنيا سابت
خدعتني مشيت وراحت
ربي هيعوضني خير
دا ربي كبير عليم
وخبير ومبينساش.
