احـذر تكون من النفوس الرديــه
حسن إبراهيم درويش| مصر
يالله ياللي ماخفا عنك الحال
ياعالمن مافي القلوب الخفيه
°°°
تكتب لنا البسمه وتشرح لنا البال
وتغفر لــنا من كل ذنــب وخطيه
°°°
ويالله تجنبنا عن دروب الانذال
الــًلي معانا وبالقفــا ســم حيه
°°°
هذا الزمن فيه العجايب والاهوال
ويـن القلــوب الصافيــه و الـنقيه
°°°
هذا الوقت فيه الحق ماعاد ينقال
كـلن يجامل بالخــطأ مــع خــويه
°°°
الرجــل مايغــرونه النـاس بالــمال
لاتـًحط نفــسك بالأمًــور الــدنيـه
°°°
وماكل من يلبس له شماغ وعقال
وقـت المواقف بــه عزومن قويه
°°°
ســلم علــى اللي للقريبين مدهال
واليـا عــطا ماينتظـر لــه عـطيــه
°°°
وابعد عن النمام والقيل والقال
اتبــع كًـــلام الله وســنة نبيــه
°°°
ولاتجحد المعروف لو كان مثقال
احـذر تكون من النفوس الرديــه
°°°
هذا كلام الحق ياطيب الفال
والحق أقوله لو عليك وعليه
°°°
وختـامــها وإعداد ماهـــل هـــلال
صلـــوا على خيــر البــشر والبــريه
