استمع واقرأ قصيدة: سألتك أنتي هترجعي؟
أحمد يحيى دعبس | مصر
سألتك أنتي هترجعي ؟
وكان الجواب لأه .
واخده قرار وبتوجعي
العمر بالفرقه
وقادره إنك تأثري
علي روحي بالخنقه
أسلوب حياتك كله روز
هتكوني ليه صادقه
رغم أنك شايفه غربتي
فرحك علي جبينك
بتسيبي ليه اللي أشتري
وشاريه اللي بايعينك
أزاي تأمني للوهن
وللي خاينينك
هو أنتي كافره بالغرام
ولا أنتي أيه دينك ؟
الكل واخد اليمين
طريق وميت سكه
وأنتي بتخوني اليمين
وعلي الشمال تكه
دايمآ بتقلبي ع الاصيل
وتروحي للساكه
مش صافيه لنفسك ولا
كنتي في يوم سالكه
سألتك أنتي هترجعي ؟
وغصب عني بكيت
ملعون أبو العشره
أنا دوبت ليه وحنيت
يمكن عشان في الماضي
رسمنا عيشه وبيت
ودعيت لربي كتير
يهديكي لو صليت
وكل يوم واحنا سوا
بيبان في أصرارك
كإن مقتولك هوا
ومن قلبي كان تارك
أيه ذنبي لو ظلمك زمان
شبيهك وقاد نارك
عمر الفراق ولا الخداع
راح يغسلوا عارك
