ريان طفل مات نتيجة إهمال
نورهان سمير محمد | مصر
يعني إيه بدأوا في إنقاذه بعد ما وقع ف البئر ما يقرب يومين، و لما حد فكر أنه ينقذه نزل ف البئر 20 متر و طلع عشان نفسه ضاق ، لكن الطفل المسكين اللي على عمق 32 متر دا يعمل ايه !؟
و يعني ايه خبراء دولته جتلهم الفكرة أنهم يحفروا بجانب البئر في اليوم الثالث أو الرابع ، خبراء يعني المفروض أن كل الأفكار تكون جاهزة أو يقدروا ع الأقل أنهم يفكروا لحد ما تجلهم فكرة الحفر في اليوم اللي سقط فيه ريان، لكن دول استغرقوا يوم بحاله في إجراء تجربه فاشله و هو ان حد ينزل ينقذه ، و هم حاطين احتماليه بالنجاح أو الفشل للفكرة، لكن لا دول جتلهم فكرة الحفر في اليوم الثالث من سقوط الطفل في البئر !!!
و في آخر 3 أيام فضل الطفل من غير اكل ولا شرب، على الرغم أنهم كانوا يقدروا أنهم يمدوا الطفل بطعام يكون خفيف الوزن حتى، لكن اعتمدوا على أنهم عارفين أنه حي داخل البئر وأن الكاميرات كانت جايباه في اليوم الثاني من سقوطه أنه كان بيتحرك!
طبعا موته دا قضاء و قدر من ربنا، لكن دا ما يمنعش أنه مات نتيجة إهمال كبييير اوووي، ما ينفعش طالب مذاكرش طول السنة و لما دخل الامتحان سقط ، وقال ربنا كاتب اني مانجحش دا قضاء ربنا ، لكن لو كان نفس الطالب دا لو كان ذاكر طول السنه كان هينجح
.. فلو كان الخبراء دول بدأوا في الحفر من بعد سقوطه بساعات قليلة ، و مدوا الطفل بطعام . لكن ربنا أراد أنه يرحم الطفل من كم الإهمال الكبير اللي كان فيه.
