عاشت بلادي الحرة
شعر: رحاب لطفي | مرسى مطروح – مصر
كل الحروف كانت مسلمة نفسها للسلاح
والصوت بعيد بيهتف حي على الفلاح
والشمس واليل والنهار
بتعلن العصيان
لو الوطن مَعاد
مَيتعاد النهار
ع الطغاة
والحلم يرسم حربة ودبابة
وعلم فوق التل راية بترفرف
تقول الوطن حر
مَيحجبة
صوت البارود ولآحشو طلقة
في بنادق الغاية
وصوت الزناد
والرُمح
بيعدي ضفة الأحزان
تصرخ عيون الورد
مَتتكحل عيون الصبايا غير
بفرحة الأيام
والفجر يتبسم
لطوق الورد
حالف
للشهيد الحر
مَيدبل
غير لما تعود ضحكة المدفع وتضوي
وتغني للنصر مليون سلآم
يام العيون السمرة متكحلة بالنيل
والشهد ضحكة صحرا على بحرها شطين
فيهم ليالي القمرة
بتعدي وبتهدي
وتعبر من طريق لطريق
والكف يطبع
بصمته ع الرمل
ويكتب حروف النصر من دم كل شهيد
عاشت بلآدي الحرة
عاشت الأمجاد
عاشت الآيادى الحرة
بتصنع لنا انتصارات
