د. سهام الزعيري | القاهرة
بحبك يا أمي يا ساكنه في دمي
ياساكنة في وريدي
بحبك يا أمي ياحب حقيقي
ياشمس المكان يانور الزمان
بحبك يا أمي
ياشمس تنور ياشمس تدفي
ياكل خلية بتمشي في جسمي
بحبك ياأمي
في توب الملايكه مشيتي وسافرتي
وقلبي الصغير عليكي يدور
ويمشي في طريقك وروحك
هدايا ودايما معايا
بحبك ياأمي ..
ياساكنه بعيد اشوفك في حلمي
ولما بتيجي وأمسك ايديكي
واضمك في حضني افتح عنيا واحضن في نفسي ..
بحبك ياأمي ..بنادي عليكي
واقولك في عيدك .. جبت الهديه
بقالي سنين بجيب الهدية ..وتفضل معايا ..
وكل الهدايا جوه الدولاب بقفل عليهم مية الف باب وبحلم ياأمي اجيلك في يوم بكل الهدايا وكحل عينيا
بجمالك ياأمي ياأحلى حوريه
