هفرح، مش هعزف لحن الموت
نهال محسن | المنصورة – مصر
لا مش هعزف لحن حزين
ولا لحن الموت
هعزف فرح وحب و نشوه
وازرع أملي لحد ما اموت
مش هستسلم
ولا هتكلم
بكلام يأس وخوف مكبوت
هفضل أضحك واكتب وافرح
وانشر بهجه ك أرض بتطرح
مهو حزنك مش هيغير شيء
بس هيفضل يضعف فيك
وينسيك
انه وباء وبأمر الله زايل
شايل
وياه كل ذنوبنا
جواه رحمه تصفي قلوبنا
راضيين بالي هيعمله فينا
وهنعمل ايه .. مش بأدينا
فا نسلم ، ناخد بالأسباب
وما ننسا اننا من طين وتراب
وف يوم راجعين لكن بفرحه
ناسيين ألم الدنيا الجارحه
وانا عن نفسي
هفرح ، مش هعزف لحن الموت
هعزف فرح وحب ونشوه
لحد ماموت
