بتنده لمين؟
ناصر توفيق | مصر
بتنده امين؟
ومين يسمعك
وتعزف في لحنك
ولحنك حزين
وتضرب بفاسك
يرد الصدى
وتزرع حنانك
في صخر السنين
تزرع مودة
وتحصد أنين
بتنده لمين؟
ومين يسمعك
ومين وقت توهتك
ها يرجعك
بتنده لمين؟
وتضرب ودع
وكله انهرده
عامل جدع
ويضرب ويضرب
ويحصد وجع
فيضحك في وشك
يزيدك أنين
بتنده لمين ؟
دي ذاكرة سمك
بتنسى المحبة
وبتسممك
بتنسى حنانك
ولحظة جنانك
وردة في جنانك
كأنك ظالمهم
وليل قد حلك
بتنده لمين؟
دي دنيا وفانية
بتنسى العالم
قلوبها في ثانية
وتجرح إيمانك
وتنكر أمانك
بتنده لمين؟
وتجرح في صوتك
وفرحك يصاحب
قنوطك
وتجري وتحضن
في قلبه
يشوطك
بتنده لمين؟
انهردنا ضوافر
وحبة حوافر
في جلدك بتحفر
بتنده لمين؟
ها نعيب الزمن؟
ولا نعيب الحنين
ها ندعي عليهم
وترفض قلوبنا
تردد أمين
