رباعيات.. حب و بعاد (بهي)

منال رضوان | مصر

تصميم البوستر: محمد رضوان

(١)
أنا الأعمى اللي كبشت كبشة ضي بيها استنرت
ومشيت طريق الخوف وحدي ما استشرت
طالبوا العميان براسي تمن وكل الجريمة
قبل ما تفكر تفتح مش كنت استخرت
(٢)
أنا أنا الظالم المظلوم الفقير لله
واللي واصل ف اليأس إلى منتهاه
وأنا اللي زرعت على أرضه الأمل
لأجل يسمع صوت خبطتي ف سماه

(٣)
يا رايح قبال النور أمانة هاتلي معاك شمعتين
شمعة حبيب للندر وشمعة كمان ل للحد الحزين
ده الحلم يوم ما اتولد من بطن الوجع مات
ولو للقبر قلب ياخد مني لحِبْي قبلة ع الجبين.
(٤)
مش هأكتب شعر حزين يبكي تاني أنا لا
ولا عدت أتمرجح كالشقي بين الموت والحياة
حأكتب غنوة أو غنوتين عن العشق والعشاق
بس آه لو مد العمر إيده للحزن يعرف مداه.
(٥)
أيَّا بحر.. نوة يا مجنون
غادر حضرتك وللا حنون
موجك بيحدف خير لمركبة
وللا بيضرب قلوعها المنون
(٦)
الحزن إحساس عجيب ألم ممزوج بالملل
عليل القلب سقيم الروح في ضجر لا يحتمل
كيف أخرج لحلم جديد وأخلي عندي أمل
والحلم هلال بهي غاب عني يوم ما اكتمل