هنا القاهرة

منال رضوان | كاتبة وأديبة إعلامية

    اللوحة للفنان المصري: محمد رضوان

– قال لي الشوارع الحلوة دي عندنا اسمها وسط البلد
زحام وهيصة!  دوشة فرح وللا طفل جديد اتولد؟
خلق بتسعى عابسة، رزق كأنه استخبى مخافة حسد!
(تن تن تن تن تن)
(الخامسة مساءً إذاعة الأغاني من القاهرة)
–  جميل جمال؛ حلو خالص صوت فريد
دكان هدوم صاحبه يقول عندي جديد
خطوة، ضحكة فرحة هلال ف ليلة عيد
(بييب بييب بييب… حاسب)
– يااه حياة مرعبة سواقة طايشة وإيقاع جنان
البشر كما آلة ويافطة ع الوجوه فيها من إنسان
ياعم مالي بكل ده جنية بحر أنا وسعه الحنان.
(واء واء واء… يا دي الصداع!)
غيمة خريف مرت يا دوب وفي لحظة غابت؛
لكن فاتت لمسةْ هَنا ودوا لقلبين
بت صغيرة، غرت أنا لما قسمتَ بيننا حتة سكرة،
ضحكت العفريتة وبانوا السنتين
مشينا سوا تحكي وأسمع لحد.
دقة قلب ف ساعة فراق، جاية تاني؟
أيوة طبعا، يا اللي معاك نسيت العمر ف ثانيتين.