ثلاث قصائد تكعيبية

رشا فؤاد | شاعرة مصرية ومصورة فوتوغرافية محترفة

الناس شباك مفرود ع الشارع

حواديت يتيميه

بين الفكر المكبوت بالقهر

وحالة التعتيم الثابته معاك ع المشهد

حاول تحرك عينك دواير دهشه

للخروح من وقوفك مطرحك

خيالك المقتول

عشان اليتم

ميبقاش أبدى

والفكرة المكبوت يقتل قهرة تحدى

للتأويل الحر

(2)

بتدواى …………………..

ف كل الحزن الطايح على بحرك

فتلم … الشط عليك (سيره)

بتخلى الرمله تصاحب كل الخلق كلام

أيام بتعد بكاك….

فتحوشك من روحك….

يااااااااااااااااااااااااااه

إمتى بالتة… عودك الاخضر ..

تزرع جوة البحر عيال…

بالضحكة المليانه… شقاوة ..ف صورتك

فتلاقى عينيك………..

بتخلى الشر …

ف خبث الفعل عاجوز…

لحظة….

إحساسك… إن البنى آدمين اللى بجد

بيشدوا الشوك اللى بيألم وردك

لاجل ماتبقى بوكيه

بيخلى….

الحزن الملهوف على آخر حته ف جسمك

يترجاك……………

قبل اما يسيبك

ماتوطيش وشه على الأرض

كسوف من روحه

(3)

المنظر

شباك متوارب ع الروح

بيتنفس بشر

بلون لوحه

منحوته على جرحى

شوف ومن غير ماتقول وعجبى

الريشه راسمه الأحمر تابلوه من الدم

والمايسترو واقف هناك

للتوقيع فقط

بسولو حزين