لي سر الأنبيا ع الصبر
رحاب لطفي | مرسى مطروح – مصر
ليِّ
في
إبتسامة الفجر مع ضوء القمر
سكة سفر من لليل لليل
بتسبق خطوتي كل البشر
ليِّ
في
ابتسامة البحر
مع عشق السهر
ذكرىٰ
الحنين مع لليل جريح
يمسح دموعة
ف عباية النهار الحُر
ليِّ
ألف وصلة عشق ضلها سابق
حقيقة مزيفة جوا القلوب المظلمة
ليِّ
ضحكتين غيبين
وقمرهم
أمر يمشي الطريق ويكملة
بشعاع امل يرسم على كفه الجميل
خط البداية من نهاية محطمه
ليِّ
في
التقاء النهر الف باب يفتح
طريق للحلم للجل مانحلمه
ونعلمه يمشي الطريق ويكمله
ليِّ
في
عيون العابرين حق اللقا من غير مواعيد مُسبقه
ليِّ
في
العهود والوعود والجحود
وبعد الأمكنه رغم المسافة الممكنه
ليِّ
في
الحروف والأُلوف الليِّ تولف
في السما زي اليمام العاشق رغم الهمهمه بيبان ضعيف صوته حزين يبكي يغرد ويضم صوته لضحكتي
والعش قش من خضار الأرض خير
ليِّ
في
الشجر
ضل الوتر صفصافة رمية ضلها في الأرض نور طرح الأمل جوا البحور
والحور
بتغزلها م الورد عقد تبدوره
في الأرض عشق
عشق الهوا ملهوش حدود
غير قلبها والحضن حصن
ليِّ
في طريق الخضر
سر
سر الأنبيا ع الصبر
سر
ليِّ
