وكأنهم نزلوا من السماء
د. أسماء السيد سامح | مصر
غالباً وانت بتخطط لأى حاجة.. بيبقى فى دماغك إن فى ناس معينة هتساعد وتقف جنبك!
المشكلة إنك وقت التنفيذ بتلاقى إن أول ناس تخلت عنك هما اللى كنت معتمد على مساندتهم ليك ، ممكن يكون بالتعمد منهم أو بالغفلة..بس فى الأخر النتيحة بالنسبالك واحدة..ساعتها بيجيلك شىء من الإحباط.. وممكن تقف عن خطتك اللى كان جزء منها مبنى على مساعدة طرف ما !
.
بس الأكيد إنك لو كملت…هتلاقى ناس عمرك ماكنت تعرفها دخلوا حياتك وساندوك ووقفوا جنبك بكل قوتهم… وكأنهم نزلوا من السماء إليك، المهم تكون واخد بكل الأسباب اللى فى مقدرتك..وتبقى متفهم إن ممكن عامل كنت معتمد عليه مش هيدعمك زى ماكنت متخيل، فلما ده يحصل وانت مأهل نفسك فيبقى الأثر السلبى أضعف!
.
الحقيقة الموضوع ده مكرر…ويعلمك إنك فى أى حاجه ماتربطش تحقيقها بمساعدة حد ليك، لو ساعدوك يبقى كويس وكتر خيرهم، وان لم تجد ذلك فأنت مستعد له!، توكل على الله وخذ بالأسباب…وخوض التجربة كما هى مخطط لها وكمل فيها للأخر…وفى وقت ما يتأذن الله بالفرج..فيأتيك من حيث لا تحتسب !
