يوسف الدباك جعجع/ لبنان
بمناسبة ذكرى ميلادي في الأول من شهر آذار ، أنشر هذه القصيدة باللهجة اللبنانية
بأول آذار بعيد ميلادي الهني
معود سني استقبل وودع سني
بفرحة كبيري انقلبت لغصة ودموع
بغياب خيي الحاسبو كل الدني
كان عيدي بكل سني يضوي الشموع
صفيت أتندر عا شمعة محزني
شمعة يكون فتيلها رمز الخشوع
والنار فيها تمسح العتم الدني
وابحث بلهفي عا قناديل الجموع
بتشوفها عا شكل شمس ملوني
بدل الزيت تضوي بدمعات الولوع
بعين الما رح بتجف طول الأزمني
وقلبي عليي تمرد وبين الضلوع
بصدري رقص رقصت وداع الأمكني
وروحي عليي تعتبت متل الدروع
اللي بتعتب على فارس الراسو حني
لكن دماغي قال يا عقل القنوع
يللي مفرع من عقل كون الغني
وبينت أنو الأصل عا شكل الفروع
اللي بتحتوي ذكاوة الروح المتمني
بحيثك انت ابن الحياة ابن السطوع
الما بينتهو ولو كل هالعالم فني
لا تظن انو الموت مأساة وخضوع
للفنا وما في حدا بموتو فني
الموت اسمو انتقال من الربوع
لملكوت الله بالسما حتى السما
تحضن الروح الحاويي النور السني٠٠٠
( التقطت لي هذه الصورة في ملعب مدرسة شميس برقا في بلدة برقا مسقط رأسي)٠٠٠
