شعر: رحاب لطفي
الجرح
ف قلبي ياغزة عميق
يُصرخ
ويضيق الصدر بجرح
جديد
اليل
الأمان للمجاريح اصبح مجروح
يِطيب
مين؟
ويطبطب ويصبر ف
الدمعة لجل الضحكة تعود !
والطفل
العايد من موته تحت الأنقاض
بيموت
ف طريقة اول م عيونة تشوف النور
يحلم بنهار
يعود فيه صوت العصافير
السرب خلاص هاجرو اولادة
مع اول عصرة لزيتون
كسرو الغصن وحرقو التين
والقسم الأعظم يابلادي
الجدر هينبت من تاني
من دمي ومن دم اولادي
لو حصرونا سنين وسنين
والطوق الأمن في قانون الغدر
اصبح النور العائد من حطين
همزة وصل بين الملاين
دا طوفان الغضب الساطع
قطع النور
قطع الأكل
قطع اليل على البني أدمين
وحرقو قلوب الناس فكرين
ضحكة بصوت الوجع الساكن
مش هنخاف
مش هنموت
مش هنغادر
أرضك يافلسطين
