السلامة
نهال محسن | مصر
كل ما هو مريح تلاقيه
ف كلمة ( سلامه )
دي فيها من السكينه
والحاجه الحلوه ياما
يابخت كل من كان
تملا فؤاده السلامه
طيب صافي السريره
تملا وشه ابتسامه
سلم قلبك و روحك
ب سلام داوي جروحك
لله رب الأنام
سلم روحك ونام
سلمها وعليه توكل
سلم .. بطل تفكر
سلم لِل سلامه تفرح
السلامه دي بيت ومطرح
دافي ، مليان حنان
حصن عالي و أمان
تحيي الي مات ف قلبك
الي قتله الزمان
سلامه يا سلام سلم
كلمه حروفها بتتكلم
كلمه تلخص حياه
وسيله ، طوق للنجاه
ال سلامه دي احلي غنوه
ال سلامه دي فرحه حلوه
تصيب الشيء ينور
واكتر ماتتصور