حلم
آلاء فضل عبد المنعم خير الله | مصر – الجيزة
العمر : 13 سنة
أنا لما حكيت عن حلمي
ضحكو عليا وقالو كتير
حلمك أكبر من سنك
ولا عمره في يوم ابدا هيصير
حلمك دا موجود في النوم
لما تنامي تحلمي بيه
بس الواقع انسي الحلم
عمره في يوم ما هيبقى حقيقه
بس أنا لما بحب بكمل
ولا عمري في يوم أنا هستسلم
علشان كنت هحقق نصر
وحياتي بأكملها مصاعب
بس أنا دايما قد القول
مش أنا اللي قالت كلمه
تلاقيها انسحبت من تاني يوم
لأ أنا بسعى لحد الفجر
ولا في نوم ولا في يأس
بسعى لحد طلوع الشمس
لحد ما ييجي الليل والصبح
بسعى كتير في الدنيا عشان
اثبت اني قد الحلم
مش بتكلم أنا وخلاص
لما اتكلم أنا في الوقت
لازم اكون أنا قد الفعل .
وسعيت في طريقى وكملت
لحد الفجر لحد النصر
لحد ما أثبت اني أنا قد
تحقيق الحلم وقد المد
و سعيي مش بيروح ببلاش
لا دا يكون لي الانجاز
والانجاز في حياتي هيكون
تحقيق حلم حلمته في يوم
مجرد محاولة لكتابة قصيدة قصيرة بالعامية..
