نيلك ربابه بتعزف

محمد سيد ساعي | مصر 

شاء ربك اكونلك ولد.
اعيش لكرامة بلد..
أسطر بالصبر كتاب..
اعيش متصان او متهان لكن مش
ممكن اعيش بحقوقى كإنسان..
لجل الكرامه عتطينى الأمومه
لكن نسيتى تعلمينى حساب..
محياتك جدول ضرب..
محتار انا فى حسبتك ويريت لقيتي ليا مكان..
اسمك اصيله يامصر يامرسى كل الأوطان…
شوفتك صبيه متزوقه بشعاع الشمس ..

حضن دافى يهمس لقلبى همس..

شقاوة طفل لسا عايش فى الهنا..

عمر شباب نفسوا يعيش او ربما..

يجيلوا يوم يكون حر  زينا..

بس يما خلاص هسمع كلمتك ومش هتكلم..

وهقولك يما بكره بالصبر اتعلم..

والنخونه والكرامه مهنسهاش..

طمع الطفوله عرب والحزن لسا منتهاش..

اموت انا واتكفن وحقى لسه مجاش..

اصيله يام العرب حبك وطن عياش..

نيلك ربابه بتعزف لما العمل ينشاف..

وعمرى لو يروح بحبك مبيرحش بلاش..

حبيبتى يأم الوطن طمعك ميستناش..