ما كنا نعرف
صالح العطواني الحيالي | العراق
ما كنا نعرف طائفة جارنا
ومن أي قوميه
ومن أي مذهب
ومن أي دين
مدري منين جونا وفرقونا
عشنا إخوان إيد تشبك غيد
لو وكع طفل تحزن كل الحارة
لو يوكع عمر يركض علي
وحسين وعباس
كلهم ولد الديرة
ونلتم العصر كلنا ونروح لداره
لو يعثر عثمان يركض عليه علي
يكله اسم الله أخوي وينفض ترابه
لو واحد تمرض بينا
نكضي الليل يمه سهاره
ما ضنيت الوكت بينا يندار
اجتنا وجوه صفرة كلها غداره
ما بوجوهم رحمه
غايتهم يدمرون بيتي
اللي بنيته
حجارة حجارة
غايتهم طوائف
ومذاهب وقوميات يسوون
أخوية من الرمادي
ينسى انا من العمارة
عمت عين الوكت
اللي صديقي
كدام عيني
وما اعرف اخباره
وجاري ما اعرف اخباره
لو اخوي اللي كل واحد
منا صار بديرة وما يعرف جاره
راحت رجال المحبة والمودة والكرامة
ضلت الذكور الهدامة
والخداعة والكذابة
