أمي

وفاء السيد عقبة | مصر

عمرك في حياتك محسستيني
بفقرنا
دايما تقوليلي يا وفاء يا وفاء يا بنتي ناس كتير عايشين أقل مننا
في الحلو والمر لازم يا بنتي تحمدي ربنا
نفسي يامه اخليكي تزوري الصادق الأمين
اصل انتي يامه والله تستاهلي كل شئ جميل
انتي يامه قدامي منين ما اروح
ما انتي احسن حاجة فيكي يا عمري هي الروح
انتي بالنسبه ليا زي الشمس والهوا زي البذره من غير النوا
زي الشخص المريض اللي مش لاقيين ليه علاج ولا دوا
عمري في حياتي ما زعلت مني حد والفضل كل الفضل يرجع لأمي بعد ربنا بجد
نفسي يامه اشيل همك ما انا عارفه ان انتي بتحبيني وان انا في دمك
بدعيلك في صلاتي يامه كل يوم لأن الدنيا من غيرك لا ليها طعم ولا لون أن ربنا ليا يخليكي ومن كل شر يامه ربنا يحميكي
نفسي يامه اجيب لك كل حاجه تتمنيها ما هو ده ما يساويش حاجه قصاد اللي انتي عشاني عملتيها
دائما بدعي ربنا يكرمني عشانك
ما هو مفيش حاجه في الكون تقدر تحل مكانك
عاملين يوم 21 مارس نحتفل بيكي كل سنه دا انتي الايام كلها تستحقي تشوفي السعاده والهنا