سفر الوجع.. تضامنا مع فلسطين الأبيّة
محمد ربيع محمد | مصر
أفرشي صواريخك ع الرمله
وارميها تسافر لمداها
ايمانك بالقوة دفاعها
توصل ما تسمي على هدفها
وتسيب بصمتها على الذكرى
لو حتى الموجات صدتها
الرعب بيحتل مكانها
بثبات متصنع من بكره
وبيرفض ف الظلم يعيش
أفئده وكفوفها محنيه
بالدم الطاهر وشهادة
ولا يوم هتموت لينا قضيه
لجمنا الليل ووقفنا له
ع الخندق قام لم عياله
السارق على كتفه الشيله
وعيون سهرانا وصحيالوا
هات ودنك اقولك على شوقي
ولا يوم راح أسيبك تتهنا
ولاخر قطره ف شرياني
راح نشطب كلمة محتله
ابواب السما قابله دعانا
والشهدا مكانهم ف الجنه
والصوت الخارج من غزه
بيطوف العالم بهتافه
واذانا بيخرج م الأقصى
لكنيسة المهد وضواحيها
افرشي ارواحنا على الرمله
أطفالنا بيتولدوا مشاعل
اتفطموا على برود العزه
واتحقنوا بدم الوطنيه
ولايوم هنسيبها لصهيوني
يتعلق ف حباله الدايبه
بلسان اتدلدل على آخره
ف مطالبه على حقوق وهميه
وانا بسأل احرار العالم ….
له حق منين
الأرض هتفضل عربية
عاش نبض فؤادك يا فلسطين
