بنت صغيرة

منال رضوان | أديبة وإعلامية مصرية

اللوحة للفنان المصري محمد رضوان

وترجع تاني تقول رماني  حظي بعيلة!
ناقص لك ضفاير يا أم ضحكة مجلجلة
كاملة وعاقلة، تنقشي حرف بفن
ولو ما أردش ع المكالمة
يا واقعة بيضا
تتعفرتي وتصرخي بصوت يرن..
رد يا بيه، مش بنت بطة سودا !
دوشجية ومزعجة بس بأحبك…
يا ستار،
شافت لعبة في الفتارين، حاتفضل تزن.
– سامعة  كلامك كله في قعدتي…
أدام مرايتي اللي صكت وجهها
ضحكت أنا ليها وبشرتها
بإيدك ترسم لي فرحة،
صدقتني وكتير كدبتها
وتقوللي رجعتي تاني عيلة !
ماشي يا سيدي..
موافقة،
وإن كان ع الضفاير هي واحدة
ومش كتير تحل عني جديلة حزن، يا دي الولد.