شيرين
أليسار عمران
بِكي المنديلْ
وتجرّح وَهجْ قنديلْ
وتسرّح وَطن الغيابْ
وبيركع
غصون زيتون
غصّن سنين
وبزيته غفتْ شيرين
وبِدربا الوقت مَسكين
مَ بْيخلصْ
ولو غابتْ
بقلبا بلاد
رحْ تخلق بِغمْر سنين
رح تبقى متل يسمين
بعيونه شَمسْ تكوينْ
رحْ تشرق بِعالي جبينْ
ويصيروا فراشات الوعد بالبعد
يستنّوا العطر تخمين
إذا عالبعد منصلي
عنخلة نور من جنين
بغيمة
تِمرُق تْشَتّي
بِعلم الحاضر الغايبْ
على النسرينْ
بَعد بكّيرْ
عَ غيابْ القَمَر يومينْ
