صورة لها معنى في جنازة هشام سليم
د. ضحى بركات | القاهرة
متدورش ع الغالى
ده مات يابنى ودفنه تراب
ومش هيبان لا فى الصورة
ولا فى الحلم أو فى سراب
ولا بوزنه ألوف جنبك
ولا ملايين على الأعتاب
ده عاش يحمى لعوج ظهرك
بحضن يخوف الأغراب
طريق الشوك هيظهر لك
وضرب الطوب هيكسر لك
ضلوع وشباب وتتكعبل على خطك
وتتشقلب. وللا القلاب
وياما خلق هتبان لك
قلوبها سواد ماليها عتاب
وتمشى فى كل نواحيها
تشوف دنيا ماليها ضباب
ومهما تشكى وتصرخ
ما يمسح دمعتك أتراب
راح اللى كان به تتمنع
وتتدلع ولاتعمل لبكرة حساب
وكان يصلب وبيطبطب
ويقفل للرياح ميت باب
بعد الأب لاتسند ..ولا تركن
على أحباب ولا أنساب
خلاص من اليوم بقيت وحدك
فى دنيا كلها أنياب
