شعر: أحمد عبدالموجود الشيخ
كان أكبر من الحياة
ملحمته ياولداه
ضد الرمق الأخير
لا كان ملك ولا نصف إله
يادوب خرافة بتتحكي
بين الغلابة وبعضهم
عن بطل كان زيهم
كل الصفات الملهمة
كانت معاه
بطل اسطوري وملحمي
في الله وبس بيحتمي
شاهد على ميلاده القمر
شاهده على حكايته الحياة
كان يمشي بين الناس
يشوف الحق فين يمشي وراه
اتنين كلاب استهتروا
وعليه بَرَاحُه استكتروا
وإزاي وليه واستنكروا
قتلوه بلسانهم وسنانهم
وسابوه متعري والحق معاه
