رحاب لطفي | شاعرة مصرية
لى فى ابتسامة الفجر
مع ضوء القمر سكة سفر
من ليل لليل بتسبق خطوتي
كل البشر
لى فى ابتسامة البحر مع عشق السهر ذكرى الحنين مع ليل جريح
يمسح دموعة في عباية النهار الحر
لى فى الف وصلة عشق
ضلها يسبق حقيقة مزيفه جوا القلوب المظلمه
لى ضحكتين غايبين
وقمرهم أمر يمشي الطريق
بشعاع امل
يرسم على كفه الجميل
خط البدايه من نهايه محطمه
لى
ف التقاء النهر الف باب
يفتح طريق للحلم
لجل مانحلمه ونعلمه
يمشي الطريق ويكمله
لى
فى عيون العابرين حق اللقا
من غير مواعيد مسبقه
لى فى العهود والوعود
وبعد الأمكنه رغم المسافه الممكنه
لى
فى الحروف والألوف
اللى توالف فى السما
زى اليمام العاشق بيبان حزين يبكى
وضم صوته لضحكتى
والعش قش من خضار الأرض خير
لى
فى الشجر ضل الوتر
صفصافة راميه ضلها
على الأرض نور
طرحه الأمل جوا البحور
والحور
بتغزلها م الورد عقد
تبدره فى الأرض عشق
عشق الهوا ملهوش حدود
غير حضنها
والحضن حصن لى
لى فى طريق (الخضر)
سر
سر الأنبيا
ع الصبر سر
لى
