يــا سارحَـةْ شبه الغزالة بِالفَلا !
سعود الأسَدي | فلسطين
يا سارحَـةْ شِبْه الغَزَالِـةْ بِالفَلا
قلبــي إِلِكْ مَرْعَى بْقلبي إِسْرحِي
°°°
فُوتِــي على قلبـي لَحالِكْ يا هَلا
وْعـا قَدّ ما فيكـي بْقلبــي إِمْرَحِي
°°°
قلبـي وسيع وْلِلْحَلى هيكلْ صَلا
وْمَعْبدْ غَـزَلْ ظَلِّـي بْقلبي وِافْرَحِي
°°°
وْلا تِتْرِكيني هيكِ لا حَوْلا وَلا
بْقلبي عَشَر تالاف جُرْح بْتِجْرَحِي
°°°
وْفي مَطْرَحِي باقي على عَهْدِكْ فَلا
مُمْكِنْ أَغَيِّرْ في هَوَاكي مَطْرَحِي
