خوف

سعود الأسدي| دير الأسد – القدس فلسطين

خوفي أنا من الموتْ مشْ عادي

بَخَافْ مِنُّـو خوفْ بِزْيادِةْ

°°°
بَخـافْ وخوفي مشْ أَنانيِّــــةْ

وْما هُوْ على أَهْليْ وَلا وْلادِيْ

°°°
وْمــا هُــوْ علـى تحقيقْ أُمْنِيِّة

كُلِّ الأمانـــي إِلِــــــيْ مِنْقــادِةْ

°°°
وْما هُوْ جُبُنْ مـن شيءْ أَو نيّةْ

في الهَـرَبْ مـن نيرانْ وَقَّـادِةْ

°°°
وْما هو ضعف أَوْ زودْ حِنِّيِّــةْ

المـوتْ عنديْ نـومْ عَ وْسادِةْ

°°°
بَخَافْ بُكْرَا انْ مُتِتْ عينيّـه

مَ يْعُودُوا يِحْظُوا بْشوفْةِ بْلادِيْ