مجنون.. شعر شعبي

‏تركي عامر‏ | فلسطين

مجنون
شو عاد عا بالو
عايش عَفيّالو
ما في إشي بْيرضيه
مصنوف مش معروف
شو مالو
ما في إشي بيغريه
منتوف مش شايف
حدا قْبالو
شايف وعارف كل إشي
خايف تَيِجرح شي حدا
بْكِلْمات موّالو
بيظلّ بيحالو
ما في حدا ينهيه
عن ليش أعمالو
وِعْلِيش أقوالو
أو يسألو شغلة
عن طيش موّالو
وقدّيش رُسمالو
كل ما فِضي بيكتب
جملة شبه جملة
ما بينفهم مالو
وبينشرا
في دفتر حْوالو
وبتنقرا
بتقول نيّالو
ون ما لقى
موضوع يحلالو
تيقوم يكتب فيه
بيفوت بيحالو
بيقرا تَرِيخ الرّيح
بيتعصبن وحملة
بيشنّ عا حالو