انتظار

علي حسن لازم | العراق

أَشْبَهُ برَسُول
قَدْ نزَلَ على دين الصبَر
وكانَ الصبر مُرًّا يتَبِع أُمَّة المَوْعُود
حاوَلَ أن ينشر رِسالته
في قَبَائِل عَديدة تَحَدّ تِلكَ الأُمَّة
ولَكِنَّ حَين أَطلعَ على رِسالة تِلكَ القبَائل آمن بها ورَاحَ
يتَّبعها.

…………
مامش للعُمر ناطور
ماتدري إعله ياساعة وسنينك تنسحك سكتة وذچرهن بور
شوگ ابين جرفين السچچ صافن تدور صوت وتاني
رفيف السچة هلبت منه يطلع طور
ومامش طو …
ولاريل لإجه بحيله وطلعلك طور
بس اصوات للناس لخذت حزن العُمر سفرة على السچة
وجرفها ادور
وانتَ ابين المتانه ونين الناس طرف ريشة جنح بالريح
محتار وخذاك الصوت مدري الوين مدري ليا ضمير ايصيح
ومشى دم الشمس سكتة بزراگ العاشگه النهران واتاني إعله راي اطيح
وبدون امساوم إعله الماي حلمك بعته وتعدييت
لهسه ابالك السچة ورفيف الطور لذلك ماخذاك الصوت لجروف السجچ
رديت
ورديت
وشليلك شايل ايامك
عثرت وجاسن السچة وطلع طور التريده ونمت مافزيت
واجه الريل وخذه امتاعه وطلع طور السچچ مرتين
خذه الصفنة وخذاك وياه
مدري لوين
مدري لوين
سألوك گلت اهنا.