شعر: محمود أسمر
أوصفينى بين صاحبك وقولى بايع
وحتى قولى انه كمان معادش نافع
وصدقي حقك كمان لو تكرهى
واكتر كمان لو تحبى فيا تلعنى
هقبل ده كله الا انى فهواكى خادع
حتى اسالى قصايدى فيكى
وكام غنيوه تحكى عن عنيكى
وعدى كام قطرة ندى تشهد عليا
وصيف يعدى بولعته و كام شتويه
وأد ايه العمر بيضيع من اديا
كان نفسى يوم احافظ عليكى
لكن الظروف مابتحنش ولا بترحم
فقير حالى وريحة الفقر بتكمكم
وياما جريت يمين وشمال
كبر سنى لكنى بعيش بقلب عيال
وجه حكم الزمان بالمر
اكون عايش كما الرحال
تتوه الخطوه فى الشارع
كأنى ماشيها وسط جبال
مع انى اللى يشوفنى يقول
دا ولا همه واهو بيضحك
مقضى حياته بيهرج
ولا حتى يبان مجروح
ولابنسمع اهاته بنوح
ولا عضت سنانه الارض
ولا بيدعى فى وقت الفرض
يكون بطلك فى ليلة العرض
وانتى بتكتبى نهايته
و ده حالى لصاحب الامر فوضته
سنين جريت وقلبى بيكى عشمته
وحتى وهو بيعانى بإسمك ياما طمنته
وليكى الحق تقوليها ده حبك ضاع
لكنى مستحيل أقبل اكون عندك حبيب خداع..
