ضحكتها
سمية الجعفري | مصر
جبت الشفة ودادتها
رسمتن بإيدي ضحكتها
على العود عزفتلها
طقطوقة ياما حبتها
حايلتها وقولتلها
تُفرط حب رومانها
تزيني بحمارها
وادلع بخفتها
غمزتلي غمزتلها
واتمايلت بخطوتها
فتحت للولي سكتها
وضحكت ضحكة حبتها
علت اوي في ضحكتها
ودوبت الوجع جواها
لقيت اللولي بيضوي
والشفة بقت وردي
الغمازة بترقصلي
والعصفور بيغني
والدنيا بتندهلي
بقلبي روحت حضناها
مديت إيديا وشدتها
شبكت إيدي في إيدها
واترميت في حضن ضحكتها
زوت الضمة وجوايا خبتها
لا تروح الدنيا سرقاها
ده أنا ما صدقت ألقاها
والله ما مفارقه خطوتها
هفضل طول عمري مصحباها
وبدقة قلبي حرساها.
