هو الحب من أول نظرة حقيقة؟

د. أسماء السيد سامح
بص هو الأمر فيه تفاصيل مهمة فعاوزك تركز معايا جامد:
لو حسيت إن قلبك اتخطف أول ما شفت حد، يعني حسيت بالحب من أول نظرة…. فا دة حصل نتيجة عدة عوامل:
1️⃣ إن الشخص دة شكله وهيئته مربوطة عندك ارتباط شرطي بحاجة جواك (فكرة – رغبة …. إلخ) ودة خلاك تنتبه له وتحس بالحب.
2️⃣ إن شكل الطرف الآخر خصوصاً عينه (بزوايا معينة مذكورة في لغة الجسد) شغلت مركز المكافأة في المخ Brain Reward System ودة عمل ارتفاع مفاجيء في مستوى الدوبامين في المخ (أحد أهم هرمونات السعادة).
3️⃣ إن أنت في مرحلة نفسية عندك احتياج شديد للحب، حتى لو أنت مش مدرك دة.

عشان تصاب بسهم الحب بتجتمع العوامل التلاتة في وقت واحد، وطبعاً عشان التلات عوامل يشتغلوا مع بعض دة شيء مش بيحصل كتير في العمر… هي مرة أو مرتين بالكتير.

وبالتالي أنت شعورك بالحب حقيقة …. لكن هل فعلاً هو دة الحب الحقيقي؟
بص هو السؤال سهل بس الإجابة دماغ شوية:
اللي أنت حسيت بيه دة تقدر تقول هو الدفعة الأولى من الحب… يعني إيه؟

بص تعالى نتخيل إن العلاقة الجميلة المريحة عبارة عن محطة قطار بعيدة شوية، أهو حب النظرة الأولى دة عبارة عن تانك بنزين مثلاً يسمح للقطر بتاعك إنه يتحرك لمحطة أو محطتين بس لقدام … لو محطتش بنزين تاني القطر مش هيمشي والعلاقة هتبوظ.

الغلطة اللي بيقع فيها ناس كتير، إنهم بيفتكروا إن الحب الناتج عن النظرة الأولى يكفي إنهم يحبوا بعض العمر كله، ويتحدوا العالم ومحدش يقدر يفرقهم عن بعضشي أبداً… يا عمري.
بس دة مش حقيقي.

حب النظرة الأولى عشان يبقى فعلاً علاقة سوية محتاج يتروي بشوية حاجات:
1️⃣ الاحترام المتبادل.
2️⃣ الاهتمام المتبادل.
3️⃣ كل واحد يدعم التاني في طريق حياته.
4️⃣ الخلافات ليها سقف محدش بيتجاوزه.
5️⃣ مفيش تهديد بالرحيل وابتزاز عاطفي.
6️⃣ مفيش صراعات ان كل واحد عاوز يغير سمات التاني.

وكل نقطة من دول ليها شرح مطول جداً …. بس لو قدرت تزرعهم في العلاقة