ميساء إبراهيم | سورية
قرب العيد والعيلة ع المواعيد
كل عام وأنتم بخير جملة
عم نعيد
الفقير ع قد بساطو لاتلمو إذا الفرحه
والبسمه ياعيد ميلت شويه عن شفافو
إلو الله ورزق الله ع آيام البساطه
أيام اللمة الحلوة ببت جدي
والأطفال فراشات ملونه بالساحه
وغنية العيد والمرجوحه ودق البواب
والصرة تتعبا شي حلو وشي ليرات فراطه
والأهل والخلان والصحبه بعد الزعل صلحه
وحلوان الصلحه بسكويت وراحه
الله. الله. يازمان لو تنعاد
تنحس بنكهة العيد رغم القل النفس والروح مرتاحه
والخير وافر والخير عمران بكل بيت
لوكان هالبيت حصيره وطراحه
اليوم العيد هجرة احباب والمعايدة ع التلفون
وعشاشه وسماعه
آو دمعة ام حامله باقات ريحان تتعايد الشهيد
وتشعل البخور ياريحة حزن دباحه
ياعيد ماتزعل لو كتبنا سطر معزوف بناي
انت الفرح وضيف وللضيف بيوتنا مشرعه للكريم
والكرم وللأجاويد مفتوحه
اهلا وسهلا فيك رغم الجرح ياعيد
عيد الفطر ع شفاف السطر حبر سكر قصيدة
ملونه مابين الماضي والحاضر جملة من القلب للقلب
ينعاد عليكم هالعيد بالصحه والعافي/ه.
