خلي الطيبه لقلبك كِسوه

شعر: نهال محسن الحديدي

إوعى القلب عليك يتغير
عمره طويل كان ولا قصير
خلي القلب فيه الطيبه
لو كل الدنيا شافتها غريبه
و يفضل يحِن عالغلبان
و يقدَّر كلمة ( إنسان )
و يوزع عالعالم ورد
ويساعد كل الخلق ،، لحد
روحه ماتروح ل اللي خلقها
إحيي ف روحك .. ما تقتلها
دي حياتها في انك تعطي الناس
متعيشش لنفسك كده وخلاص
صدقني كتير هيفوتك ،
اوعى
تروح الطيبه من قلبك،شمعه
خليك شمعه تنور ليهم
وبدون اي مقابل، إديهم
إوعى تبطل يوم الحب
خليك دلو كريم بيصب
و أمان ل اللي يلجأ لك
و وطن ل اللي سكن قلبك
ولا تتعلم يوم القسوه
خلي الطيبه لقلبك كِسوه
إوعى ف يوم قلبك يتغير
عمره طويل كان ولا قصير