عبير بسيوني | شاعرة مصرية
دا يا بخت اللي الدنيا هدته صاحب جدع
ويابخت اللي صاحبه ساحبه لطريق الله
وبسهوله تلاقي رجوله وشهامه في وقت الآه
دا لو عندك تمسك فيه بايدك وسنانك
و تاخده رفيق لحياتك وفوقت الشده نجاة
تفرش قصاده ذنوبك وانت مش قلقان
ع الحلوة والمرة معاك
و لو غلطت تلاقي كفه علي كتفك بيطبطب
ولو حزنت تلاقي قلبه علي وجعك بيتعذب
اللي يسعدك ويسندك خليك وياه
واللي يخونك و ويقهرك بلاه
هاتلف كتير وتشوف ياما ..خد اللي شبهك
وسيبك من اللي غيابه يشقي
اوعاك عشان غلبان تاخد اللي وجوده يبكي
متستناش كلمة تطيب …وقصاد الغريب قلبك يحكي
هايقولو عليك شحات قيمة ..ميستهلوش زعلك فيوم دول خدو وقت اكتر من اللزوم ..
دور ع اللي تلاقي الضحكه معاه ..هو امانك فالزمن المشؤوم
