يوسف الدباك جعجع / لبنان
ميلادي ليش يومك يوم عادي
وأطول من ليل حزن السعادي
ل بعتم النور منو ما تخلص
وظلامو تغلغل بقلب الوسادي
ميلادي الما قدر منو تملص
عمري المتل زهره بقلب وادي
ميلاد الماده عا أرض قلص
فيها الوعي لاوعي التمادي
ميلادي ل واقع الأوهام خلص
لأنو بيعكس الحق الريادي
ميلاد الجسم يللي الروح ملص
وبدون الروح ما عندو سيادي
ميلادي بلحظة اللي ولدت خلص
عمري وما رضي احيا زيادي
عا أرضي وقال يا وهم التبلص
من حقيقتو ارجع لأصلك
أصلك روح روحك نور بادي
