ندى
محمد ربيع محمد | اتحاد كتاب مصر
هربان من نفسك…
وسيبها لوحديها
مسجونه ف حارة بتتاوه…..
من ضجر الليل
بتعاني الغربة وتنمرتفاصيلها
وجراح مجدوله على المها
ولا فيش للمصل……
اللي يداوي تباشير
ماتسيبها تغرد براحتها
يمكن تسطوطن ف العش
وتلاقى مكان يرضي هواها
ف الوقت اللي اتوجعت فيه
لو كات تتحرر من ظلمك
من كتمت رغبتها العايشه
بتئن من البعد القاتل
مع شوق بيسابق خطوتها
تفتح ابوابها المقفوله
على قلب بيفرح لونسها
طب ليه الهم يعكرها
والحمل على الصبر المحني
كفين اتحزمه بالرعشه
معادوش يلازمهم تسقيف
ما هي راجعة يا صاحبي وهاتجيلك
هاتروح على فين وانت اسرها
ومطلع ف حباب عنيها…….
أصلب مسامير
اتركها تنبت بندها
احلام للجنه المنسيه
من غير ما بجهل توترها
فتسوء ضحكتها المرويه
بالحكمة ف ضل الأيام
افتح لها واحه من الحب
قربها شويه من الناس
وابعدها عن الضيق الخانق
للعطر ف ساحة الانفاس
خليها تسلم على بكره
من غير ما تخاف
