الرئيسية / صحة نفسية / الكلب الأسود

الكلب الأسود

د. منى قابل 

أسئلة متكررة عن الاكتئاب ابن الشريرة وإجابتها.

  • ليه وازاي بنحس أصلا إننا عندنا اكتئاب؟

المخ في الوقت اللي كيمياء الدماغ فيه بتتغير، بيبقى كل اللي شاغله إنه ينقذ نفسه بمعنى إنه ينقذك من الحالة دي،
بيطفي المناطق المنورة، عشان يبعت لك تحذير، بيبذل كل الجهد عشان يقول لك فيه مشكلة يا أخ
فيه حاجة مش مظبوطة يا سيد،
بيظهر لك التحذير ده على شكل إيه ؟
غالبا بتكون مشاعر رفض وكسل،حزن،فقدان للرغبة في معظم أو كل الأشياء، وأحيانا بتوصل إنك مش قادر تشيل كيس من على الأرض وأعراض كتير غير دي.

  • هل مريض الاكتئاب مينفعش يضحك أو مبيضحكش خالص؟

الكلام ده مش صحيح، وأحيانا المريض بيضحك بشكل هيستيري
وكمان المريض الملتزم بالعلاج اللي كتبه الطبيب، بالإضافة ل تعليمات وتدريبات المعالج.بيكون عنده قدرة على ممارسة أنشطة يومه وهو على الأقل من حين لآخر مزاجه معتدل.

  • إيه الفرق بين الإكتئاب المرضي أو المزمن، والإكتئاب الموسمي؟

الاكتئاب كمرض لازم يكون غير مرتبط بضغوط أو عوامل أخرى مؤثرة.
الضغط الخارجي بيسبب اكتئاب لكنه مؤقت،
وهنا أنا بحذر من الافراط في تشخيص نفسك وتصنيف الاكتئاب إنه موسمي.ليه بقى؟
لإن أحيانا ناس بيجي لها حزن شديد أو ممكن تجاوزا نعتبره اكتئاب مؤقت عشان فيه فرق كبير بين الحزن ومرض الاكتئاب…
فلازم منهملش الأعراض البيلوچية،يعني نعمل فحص مثلا ل
الغدة الدرقية، ونتأكد من عدم وجود نقص في ڤيتامين دال.

مثلا فيه أشخاص بيجي لها مع بداية الشتاء أو الخريف مشاكل في التنفس، نتيجة لأعراض التهاب الجيوب الأنفية. بيشعر الشخص بخنقة كل سنة في التوقيت ده، وقتها يشخص نفسه على إنه بيعاني من اكتئاب موسمي.

وبعدين الدكاترة النفسيين عندهم وسائل تشخيص زي الDSM5.بيميزوا بيها بين اكتائبك وحزنك أو دلعك.عشان بتيجي لنا حالات كتير لها أهداف أخرى.واخد لي بالك يا إبراهيم، .زي جذب الانتباه أو تأجيل الامتحانات و…..
فيه كمان ناس بتعيش في دول النهار فيه قصير، بيشعروا إن دي أعراض اكتئاب وده مش حقيقي ، هم بيحتاجوا انهم يتنقلوا فترة ويسافروا دول فيها طقس مختلف. ده العلاج بس.

ربنا يمتعكم بنعمة الصحة
انشروا ثقافة الضحكة، ابعدوا عن التعمق في السلبيات
في مقال قادم هقول لكم تغيروا من حالتكم المزاجية إزاي
كل الحب والمودة

عن عالم الثقافة

ناصر أبو عون - رئيس تحرير جريدة عالم الثقافة

شاهد أيضاً

العلاقة بين الإبداع والمرض النفسي

منى قابل | مصر       هل هناك علاقة بين الإبداع بأشكاله المختلفة(الأدب/ الشعر/الرسم) …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *