الشاعرة الجنوبية نجوى عبد العال | القاهرة
وكـل لحظـه بتمــــر
يطفح حـزننـا فينـــا
نقطـع عـروق الصــبر
نعصر سحابه ضيق ف جروحنا
وتتمايل حيطـان الـروح
وأيـه لمـا نتفجــــع ؟!
ويعـزمنا السكـات والقهـــر
حوالين فنجـان المـــــرار
نـشوف الـدار سـراديب بكـا
وبقعـات الضـله جلادين بتلسع
نقـوم نجرى ع الخـلا المكتـــــوم
بـــدون أنفـــاس بنتعـــذب
ونلمـح فـرح ف حتـه ســراب
خيال فرحه بتنور على الشباك
تقـوم الروح تحضـــن حـــــلم
وفجأه بتصـــــحى ع السقعــه
نـلاقى إيدينـــا مجـــــروحه
نفسنا سـال عـلى القضبــــان
يفـوت العمـر لحظة يمــــــر
ونجمع من شتـــــات روحنـــــا
تراتيل ….
تـزكـــم كــــل من شــافنــــا
تتبعتر حـلاوة الروح ببرد القلب
تحصــد مخـزونهـــا
خليط م الـدم والحنضـــــل
وتبعت من هـدوم البــــرد
حبـة حـلم تطفـى النــــار
تغنى الميـه ف عـروقنــــا
وتنعش فى جحيم النزف أصواتنا
يـدوب الصـلب
يكشـف سـر إللـى خـان الخـــلق
نرش الحـلم جـــوف القلـــب
يصحصحنــــــا
ينســب للهــــــوى روحنـــــا
لمـين يسمعنــــا فى الميــــــدان !
لمـين يسمعنــــا فى الميــــــدان !!!!…؟
