سهل بن عبد الكربم | المدينة المنورة
لمن أحد يجي يخطب بنتهم مايقولوا نبغى مهر الشي الفلاني ، يقولوا خمشة ملح لأننا أشترينا رجال ،
الملح كان أرخص شي .
من أدب أهل المدينة
حين يقال لك “تعبناك معانا” أو “أزعجناك” يقول؛ “خدَّامينك” ..
من أدب أهل المدينة
يقال للأخ الكبير : سيدي ، وللأخت الكبيرة : استيتة
من أدب أهل المدينة
لما تدخل الأم وبناتها في اي سهرة يدخلوا بترتيب ويبدؤوا بالكبيرة وبعدين إللي بعدها وإللي بعدها وكذا.
من أدب أهل المدينة
بعد العزيمة المعازيم يتصلوا ثاني يوم ع صاحبة الحفلة ويقولوا لها كيفكم بعد التعب؟ وترد : هيّا لا تعب ولا حاجة والله أنستونا
من أدب أهل المدينة
لما يوجهوا الكلام لأكبر منهم يكلموهم بصيغة الجمع للاحترام زي : اتفضلوا .. ارتاحوا ..
من أدب أهل المدينة
لما يقدّم لك حلاوة يقولك :
حلِّي و على النبي صلِّ! ﷺ
من أدب أهل المدينة
إذا أحد من الكبار جالس في الأرض ما يصير تجلس على كرسي أو مكان أعلى منه لازم تنزل تجلس في الأرض .
من أدب أهل المدينة
لما يكون عندهم ضيف وراجع بيته مايقفلوا الباب ويدخلوا بيتهم لحد مايحرك السيارة ويبعد
من أدب أهل المدينة
دائما يرددوا استروا ما واجهتوا
شوية عادات حلوة ، بعضها لازال قائم 💚💚
💚 يا قلبي على اهل المدينة
قالوا : الروح أغلى
قلت : والمدينة أحلى
قالوا : العمر رايح
قلت : فراق المدينة جارح
قالوا : القلب حبّ
قلت : البعد عن المدينة صعب
قالوا : المدينة غير
قلت : وأروع خير
قالوا : بالطول بالعرض
قُلَت : المدينة تهزّ القلب 💚
قالت ستي
اهل المدينة
ومين زيكم ياهل المدينة
زي العيد والانوار والزينة
شوفتهم تفرح القلب وتسعد الحزينة
كرمهم بالنبي موصول
وكلامهم حلو ومعسول
وعن طيبتهم ايش ح نقول
الطيب فيهم اصل واصول
قلبهم للضيف مفتوح
البيت بيتك تجي وتروح
والعين تفداك والقلب والروح
يازاير المدينة اهلها صروح
للعلم وللسنة والفقه مشروح
الكف ميزان
والخير الوان
والبركة حاصلة من دعوة العدنان
